आता जागलं पाहिजे

आता कंटाळा खूप झाला
कामाला लागलं पाहिजे
स्वप्नांच्या पूर्तीसाठी
आता जागलं पाहिजे

मला जमत नाही म्हणून
आता चिडायचं नाही
माझं कसं होईल असं
म्हणत कुढायचं नाही
.
कमकुवत शब्दांना
पुरून टाकलं पाहिजे
.
स्वप्नांच्या पूर्तीसाठी
आता जागलं पाहिजे

येत नाही तिथे
प्रयत्न करीन म्हणायचं
सर्व अडचणींना
अगदी पुरून उरायचं
.
दुर्दम्य आशावाद
घेऊन जगलं पाहिजे
.
स्वप्नांच्या पूर्तीसाठी
आता जागलं पाहिजे